سازمانی خه‌باتی کوردستانی ئێران
تەقینەوەیەکی قورس لە پارکی پیشەسازی مەرەند، بەپێی ئەو وێنانەی کە ڕۆژی یەکشەممە ۲۵ی جۆزەردان بڵاوکراونەتەوە، شاری پیشەسازیی مەرەند شاهیدی تەقینەوەی قورس بووە. بەپێی سەرچاوە ناوخۆییەکان، ڕەنگە کارگەی “سپانتا” لەم شارۆچکەیەدا کە دەوترێت شوێنی بەرهەمهێنانی نهێنی فڕۆکە بێفڕۆکەوانەکانی سپای پاسدارانی ترۆریستییە، ڕەنگە ئامانجی هێرشە ئاسمانییەکانی ئیسرائیل بووبێت.
هەروەها ڕاپۆرتە خێراکانی هاووڵاتیان ئاماژە بەوە دەکەن کە چەند خولەکێک لەمەوبەر شەقامی خومەینی لە ئیسفەهان بە هێرشێکی ئاسمانی کراوەتە ئامانج. دەنگی تەقینەوەیەکی زەبەلاح و لەرزینی باڵەخانەکان ترس و دڵەڕاوکێی لای دانیشتووان دروستکرد و بەکرێگیراوانی حکومەت ڕێگەکانی بەرەو شوێنی هێرشەکە دادەخەن.
بەگوێرەی ڕاپۆرتەکان، وێستگەی مانگی دەستکردی جەننەت ئاباد کە دەکەوێتە ناوچەی ئەسەدەباد لە هەمەدان، چەند سەعاتێک لەمەوبەر بە هێرشێکی فڕۆکەی بێفڕۆکەوان کراوەتە ئامانج. شایەتحاڵەکان باسیان لەوە کردووە کە گوێیان لە چەندین تەقینەوە بووە و ئاگریان لە ناوچەی ئەم دامەزراوەیە بینیوە.
ئیستگەی جەنەت ئاباد یەکێکە لە ژێرخانە هەستیارەکانی پەیوەندی حکومەتی ئێران و پێشتر لە لیستی ئامانجە ئەگەرییەکاندا بوو.
بەگوێرەی وێنە بڵاوکراوەکان، نزیکەی سەعاتی ۲ی پاشنیوەڕۆی ئەمڕۆ، ڕێگەی تاران-ساوێ، شوێنی هێرشی ئاسمانی ئیسرائیل بۆ سەر پێگە سەربازییەکانی ڕژیمی ئێران بووە. شایەتحاڵەکان باسیان لە تەقینەوەی بەردەوام و دوکەڵی بەربڵاو و پەککەوتنی هاتوچۆی ئۆتۆمبێلەکان لەسەر ئەم ڕێگەیە کردووە.
ئەم هێرشانە دوای شەپۆلێکی ئەم دواییەی هێرش بۆ سەر ژێرخانی سەربازی و بنکە سەربازییەکان لە ناوچە جۆربەجۆرەکانی ئێران دێت.
