سازمانی خه‌باتی کوردستانی ئێران
ئیسماعیل فکری، زیندانی سیاسی کە تۆمەتی لێکندراوی "سیخوڕی" لێدرابوو ئەمڕۆ دووشەممە ۲۶ی جۆزەردان لە سێدارە درا. ناورباو پێشتر لە لایەن کارمەندانی ئیتلاعاتی سپای پاسداران لەسەر شەقامێکی تاران گیرا و بۆ ماوەی پێنج مانگ لە گرتووخانەی ئەو ڕێکخراوە ترۆریستییە شکەنجە و لێپرسینەوەی لەگەڵدا کرا.
ڕاپۆرتەکان ئاماژە بەوە دەکەن کە لەم ماوەیەدا مافی پەیوەندیکردن بە خێزانەکەی و دەستڕاگەیشتن بە پارێزەر بێبەش بووە.
فیکری لە کۆتاییدا لە لایەن لقی ٢٦ی دادگای بەناو شۆڕشی ڕژیم لە تاران بە تۆمەتی ساختەی "هاوکاری و سیخوڕیکردن لەگەڵ دەوڵەتی ئیسرائیل" حوکمی لە سێدارەدانی بەسەردا سەپێندرا.
تا کاتی لەسێدارەدانی ناوی ناوبراو لە میدیاکاندا بە شێوەیەکی بەرفراوان باس نەکرابوو.
