سازمانی خه‌باتی کوردستانی ئێران
چەند سەعاتێک لەمەوبەر بەکرێگیراوانی ئیتلاعات هەڵیانکوتایە سەر ماڵی خوشکی شەهیدی ڕێگەی ئازادی جەواد حەیدەری. بەپێی ئەو گرتە ڤیدیۆییانەی کە خوشکەکەی لە پەیجی تایبەتی خۆی لە ئینستاگرام بڵاویکردووەتەوە، بەکرێگیراوانی ڕژیم بە توندوتیژی چوونەتە ناو ماڵەکەوە و هەوڵیانداوە خوشکەزای جەواد حەیدەری بگرن. لەم ڤیدیۆیانەدا بە تووڕەییەوە دەڵێن، "وادیارە سنووری ئیسرائیل لە ماڵی خوشکەکەمدایە! هێرش دەکەنە سەر گەل، لە ژن و منداڵەکانیان دەدەن، ئێوە تەواو بوون، ئەی بێشەرمانە، ئێمە لێتان ناترسین، من خۆم بە ستوونی کارەباوە هەڵتاندەواسم!"
ئەم هێرشە دڕندانەیە بۆ سەر خانەوادەی ئەو کەسانەی کە داوای دادپەروەری دەکەن لە کاتێکدا ڕوودەدەن کە هێرشە ئاسمانییەکانی ئیسرائیل گورزی قورسیان لە ژێرخانی سەربازیی ڕژیم داوە و نیشانەی داڕمانی بەربڵاوی ناو حکومەتە.
