سازمانی خه‌باتی کوردستانی ئێران
گرووپی حەوت بە بڵاوکردنەوەی بەیاننامەیەک، داوای کەمکردنەوەی گرژییەکان لە ڕۆژهەڵاتی نێوەڕاستی کرد.
لەم بەیاننامەیەدا هاتووە: ئێمە پێداگری دەکەینەوە کە ئیسرائیل مافی بەرگری لە خۆی هەیە و پشتیوانیی بێئەملاوئەولای خۆمان لە ئەمنییەتی ئەم وڵاتە ڕادەگەینین. هەروەها ڕاشکاوانە ڕامانگەیاندووە کە حکومەتی ئێران نابێ لە هیچ دۆخێکدا دەستی بە چەکی ناوكی ڕابگات.
لە یەکەمین سەعاتەکانی پێنجەمین ڕۆژ لە شەڕی ڕژیمی ئێران و ئیسرائیل، ترامپ دانیشتنی گرووپی حەوت لە کانادای زووتر لە کاتی خۆی بەجێ هێشت و گەڕایەوە واشینگتۆن.
گرووپی حەوت ڕێکخراوێکی نێودەوڵەتییە کە لە وڵاتانی کانادا، فەرانسە، ئاڵمان، ئیتالیا، ژاپۆن، بریتانیا و ئەمریکا پێک هاتووە.
