سازمانی خه‌باتی کوردستانی ئێران
سپای ئیسرائیل ڕۆژی سێشەممە ۲۷ی جۆزەردان، ڕایگەیاند کە سیستەمی بەرگریی وڵاتەکەی ڕێگری لە چەند مووشەکێک دەکات کە لە خاکی ئێرانەوە بەرەو ئیسرائیل هاویژراون.
بەگوێرەی زانیارییەکان، زیاتر لە ۳۰ مووشەکی حکومەتی ئێران بەرەو ئیسرائیل هاویژراون و ئاگادارکردنەوەی هۆشداری لە ناوەند و باکور و ناوچەی تەلئەبیب لێدراوە.
ڕاپۆرتەکان ئاماژە بەوە دەکەن کە چەند مووشەکێک لە سێ ناوچەی ناوەڕاستی ئیسرائیل کەوتووەتە خوارەوە و یەکێکیان ڕاستەوخۆ بەر باڵەخانەیەکی شاری هێرزلییە کەوتووە. هەروەها وێنە بڵاوکراوەکان نیشان دەدەن کە شراپنێل لە شارێکی باکووری ئیسرائیل کەوتوونەتە خوارەوە.
پێش ئەم هێرشە مووشەکییانە، سپای ئیسرائیل “زنجیرە هێرشی ئاسمانی”ی بۆسەر ئامانجە سەربازییەکان لە ڕۆژئاوای ئێران ڕاگەیاندبوو.
لە ڕاگەیەندراوەکەی سپای ئیسرائیلدا هاتووە: لە شەوێکدا فڕۆکە جەنگییەکانی هێزی ئاسمانی ئیسرائیل چەندین شەپۆلی هێرشیان لە دژی دەیان ئامانجی سەربازیی سەر بە ڕژیمی ئێران لە ڕۆژئاوای وڵات ئەنجامدا.
لە بەیاننامەکەدا زیادی کرد: ئەم هێرشانە هەڵگرتن و ژێرخانی هەڵدانی مووشەکی زەوی بۆ زەوی، هەروەها هەڵگرتنی فڕۆکەی بێفڕۆکەوان و سەکۆی مووشەکی سەرزەوی بۆ ئاسمانی لە ڕۆژئاوای ئێران کردە ئامانج.
