سازمانی خه‌باتی کوردستانی ئێران
دوابەدوای ئەم ڕاگەیاندنە، تەقینەوەیەکی بەرفراوان لە گۆهەردەشت، کەرەج ڕوویدا و بەرگری ئاسمانی لە تاران چالاک کرا.
بەپێی ڕاپۆرتە گشتییەکان، ئێوارەی سێشەممە چوار تەقینەوەی گەورە لە نزیک ناوچەی گۆهەردەشت لە کەرەج بیستراوە.
لە هەمان کاتدا سیستەمی بەرگری ئاسمانی لە ناوچە جۆربەجۆرەکانی تاران بە تایبەت لە ناوچەکانی ناوەڕاست و ڕۆژهەڵات و ڕۆژئاوا چالاک کرا و دەنگی تەقەی بەرگریش ڕاگەیەندرا.
هەروەها سەرچاوە ناوخۆییەکان باسیان لەوە کردووە کە دوای هێرشە بێوچانەکانی ئیسرائیل بۆ سەر پێگەکانی حکومەتی ئێران، چەندین تەقینەوەی گەورە لە شارەکانی کەرەج، مەلارد، فەردیس، شەهریار و ئەندێشە ڕوویانداوە.
هەروەها دەنگی دوو تەقینەوەی گەورە لە نزیک پارکی ئێلهام کە دەکەوێتە سەر بلواری فردەوسی ڕۆژاوا لە شاری کەرەج بیستراوە.
ئەم ناوچەیە دەکەوێتە تەنیشت پادگانی گەورەی سەر بە فەیلەقی ترۆریستی سپای پاسداران.
