سازمانی خه‌باتی کوردستانی ئێران
سپای ئیسرائیل ڕۆژی چوارشەممە ڕایگەیاند کە شەپۆلێکی نوێی هێرشەکانی لە تاران دەستپێکردووە. هەروەها ڕایگەیاندووە، پێش ئەوەی بچنە ئاسمانی ئیسرائیل، حەوت فڕۆکەی بێفڕۆکەوانی حکومەتی ئێرانیان ڕێگری کردووە.
لەلایەکی دیکەوە، ئیسرائیل کاتز، وەزیری بەرگری ئیسرائیل لە تویتێکدا نووسیویەتی: زریانێک تاران دەگرێتەوە.
لەکاتێکدا زۆرێک لە دانیشتووانی ناوچەکە هەڵدێن، هێماکانی دەسەڵات لەوان رادیۆ و تەلەفزیۆنی حکومەتی ئێران بۆردومان دەکرێن و لەناو دەچن. بەم زووانە ئامانجی دیکەش بەدوای خۆیدا دێن. دیکتاتۆریەتەکان بەم شێوەیە دەڕووخن.
چەند سەعاتێک پێشتر سپای ئیسرائیل ڕایگەیاندبوو کە شەوی ڕابردوو دامەزراوەیەکی بەرهەمهێنانی سەنتەرفیوژ و چەند شوێنێکی بەرهەمهێنانی چەکی سەر بە حکومەتی ئێرانیان کردۆتە ئامانج و سێ فڕۆکەی بێفڕۆکەوانیش کە لە ئێرانەوە هەڵدرابوون، ڕێگرییان لێکردووە.
