سازمانی خه‌باتی کوردستانی ئێران
لە کاتێکدا کە بەڕێوەبەری گشتیی ئاژانسی نێودەوڵەتی وزەی ئەتۆمی لە چەند ڕۆژی ڕابردوودا چەندین جار دووپاتی کردووەتەوە کە لە ئێستادا هیچ بەڵگەیەکی ڕوون نییە کە حکومەتی ئێران چەکی ئەتۆمی دروست دەکات، بەڵام ڕۆژی پێنجشەممە وەزارەتی دەرەوەی ئێران تۆمەتباری کرد بە "خیانەت" لە بنەماکانی ئاژانس.
لە پۆستێکیدا لەسەر ئێکس، ئیسماعیل بەقائی وتەبێژی وەزارەتی دەرەوەی حکومەتی ئێران بە ئاماژەدان بە چاوپێکەوتنەکانی ڕافایل گرۆسی لەگەڵ سکای نیوز و سی ئێن ئێن کە تیایدا ڕەتیکردەوە حکومەتی ئێران چەکی ئەتۆمی دروست بکات، نووسیویەتی: “ئەم ڕاستییە لە ڕاپۆرتە لایەنگرییەکەتدا شاردرابووەوە”.
بەقائی ڕاپۆرتی گشتگیری ئاژانس و هەروەها ڕاپۆرتی سکرتێری گشتی بۆ دەستەی پارێزگارانی بە هۆی پەسەندکردنی بڕیارنامەیەک لە دژی حکومەتی ئێران زانی کە ڕژیمی ئێرانی بە پابەندنەبوون بە مەرجەکانی پەیماننامەی قەدەغەکردنی چەکی ناوکەیی شەرمەزار کرد. بە وتەی وتەبێژی وەزارەتی دەرەوەی حکومەتی ئێران، ئەم بڕیارنامەیە "ئامراز" بوو بۆ ئەوەی ئیسرائیل هێرش بکاتە سەر حکومەتی ئێران و دامەزراوە ئەتۆمییەکانی.
