سازمانی خه‌باتی کوردستانی ئێران
سەرچاوە خۆجێیەکان باس لە هێرشە نوێیەکانی سپای ئیسرائیل دەکەن بۆ سەر پێگە سەربازییەکان و دامەزراوە ئەتۆمییەکانی حکوومەتی ئێران.
بەگوێرەی ڕاپۆرتە مەیدانییەکان، دەنگی تەقینەوەیەکی بەرز لە شارەکانی ئیسفەهان و خورەمابادەوە بیستراوە و بەشێک لە بەکارهێنەرانی فەزای مەجازیش باسیان لە چالاککردنی سیستەمی بەرگری ئاسمانی کردووە.
تا ئێستا هیچ زانیارییەکی ورد لەبارەی ئەو ئامانجانەی کە هێرشیان کراوەتە سەر و نە قەبارەی زیانەکان لەبەردەستدا نییە. تا ئێستا بەرپرسانی حکوومەتی ئێران هیچ کاردانەوەیەکیان نەبووە.
