سازمانی خه‌باتی کوردستانی ئێران
بەرەبەیانی ئەمڕۆ هەینی، هێرشی ئاسمانیی ئیسرائیل ناوچەی بیدگنەی گرتەوە.
بەگوێرەی سەرچاوە ناوخۆییەکان، توندی تەقینەوەکە زۆر زیاتر بووە لە هێرشەکانی پێشوو و لەرزەکانی لە چەند شارێکی دەوروبەری هەستی پێکراوە.
ئەو گرتە ڤیدیۆییانەی بڵاوکراونەتەوە، کە بەبێ دەنگ وەرگیراون، ستوونی دووكەڵی زۆر لە شوێنی تەقینەوەکەدا دەردەخەن. بە پێی گومانەكان، ڕەنگە ئەو دووكەڵەی كە دەبینرێ، هۆی کەوتنەخوارەوەی یەکێک لەو مووشەکانە بووبێت کە ڕژیمی ئێران هاویشتویەتی.
تا ئێستا هیچ زانیارییەکی فەرمی سەبارەت بە ڕادە یان ئەگەری زیانەکان بڵاونەکراوەتەوە.
