سازمانی خه‌باتی کوردستانی ئێران
دوابەدوای شەپۆلی هێرشە ئاسمانییەکانی سپای ئیسرائیل بۆ سەر پێکهاتە ئەمنییەکانی ڕژیمی ئێران، سپای ئیسرائیل ڕایگەیاند کە ئەمڕۆ فڕۆکە شەڕکەرەکانی هێزی ئاسمانی ئیسرائیل بە ڕێنمایی هەواڵگری ورد، بارەگای سەرەکی فەرماندەیی پۆلیس و بارەگای یەکە تایبەتەکانی هێزی پۆلیسی ڕژیمی ئێرانیان لە تاران کردە ئامانج.
ئەم ناوەندانە لە دامودەزگا سەرەکییەکانن کە لەم ساڵانەی دواییدا ناڕەزایەتییە جەماوەریەکان سەرکوت دەکەن و چەندین جار ڕۆڵی ڕاستەوخۆیان لە سەرکوتی شەقام و گرتنی بەکۆمەڵ و شکەنجەدانی خۆپیشاندەران گێڕاوە.
ئەم هێرشانە بە وردبینییەکی بەرز و بە ئامانجی ناوەندەکانی فەرماندەیی ئەنجام دراون و بەپێی سەرچاوەکان زیانی گیانی بەرچاو بە هێزەکانی پۆلیس کەوتووە. تا ئێستا بەرپرسانی حکومەت کاردانەوەیان بەرانبەر بەو هێرشانە نەبووە.
