سازمانی خه‌باتی کوردستانی ئێران
ڕێبەری عیرفانیی ناوچەی هەورامانی پاوە، حاج خەلیفە عەلی حەیدەری باینگان، لە پەیامێکی بێوێنەدا، بە ڕاشکاوی داوای لە فەرمانبەرانی حکوومەت و هێزە نیزامییەکانی ڕژیمی ئێرانی کرد، تەوبە بکەن و دەست لە پشتیوانیکردنی ئەو ڕژیمە هەڵگرن.
لەم پەیامەدا هۆشداری داوە لەوەی؛
«لە تۆبەدا لە مافی مرۆڤەکان زۆر بە خێرایی دادەخرێت؛ پێش ئەوەی قەوارەی حکومەتی ئێران بڕووخێت، هێشتا دەرفەتی تەوبەکردن ماوە».
هەروەها داوای لە مامۆستا مەلا قادر قادری (ئیمامی نوێژی هەینی لە پاوە) کرد کە پێشەنگایەتیی تەوبەکردن و گەڕانەوە بۆ ناو خەڵک بکات لە پێناو ڕێگریکردن لە ڕشتنی خوێنی موسڵمانان.
ئەم قسانە لە کاتێکدایە کە حاج خەلیفە عەلی حەیدەری لە ماوەی ساڵانی ڕابردوودا چەندین جار لە ڕووخانی نزیکی حکومەتی ئێران هۆشداری داوە و خوازیاری پاراستنی کەرامەت و سەربەخۆیی ناوچەی هەورامان لە پشتبەستن بە دامەزراوە سەرکوتگەرەکان بووە.
ئەم پەیامە لە نێو خەڵکی هەورامان و پاوە و باینگاندا دەنگدانەوەی هەبووە و بە نیشانەی شکستی شەرعییەتی ئایینیی ڕژیم لە نێو ڕۆحانیانی ئایینی سەربەخۆدا دادەنرێت.
