سازمانی خه‌باتی کوردستانی ئێران
دوابەدوای شەپۆلی هێرشە بەربڵاوەکانی سپای ئیسرائیل بۆ سەر دامەزراوە سەربازییەکانی ڕژیم، چەند لە ڕۆژهەڵاتی تارانەوە چەند تەقینەوەیەکی زۆر بەهێز بیستراوە.
سەرچاوە مەیدانییەکان باس لە لێدانی ڕاستەوخۆ لە ناوەندەکانی پیشەسازی بەرگریی دەسەڵات لە ناوچەی نۆبنیاد دەکەن. توندی تەقینەوەکان ئەوەندە زۆر بووە کە شەپۆلەکانی لە ناوچەکانی دەورووبەری لەوانە پاسداران، لەویزان و نارمەك، هەستیان پێكراوە.
بە پێی زانیارییە سەرەتاییەکان ئەو هێرشە لە لایەن فڕۆکە شەڕکەرەکانی سوپای ئیسرائیلەوە ئەنجام دراوە و بەرگرییە ئاسمانییەکانی ڕژیم لەو ناوچەیەدا چالاک نەبوون یان نەیانتوانیوە پێش بە هێرشەکە بگرن.
