سازمانی خه‌باتی کوردستانی ئێران
سەرچاوە مەیدانیەکان ڕایانگەیاند کە سپای ئیسڕائیل، ئەمڕۆ لە شاری ئیسفەهان ئەمبولانسێکی سەر بە سپای ترۆریستی پاسدارانیان کردە ئامانج.
بەپێی زانیارییە سەرەتاییەکان، ئامبولانسەکە بۆ گواستنەوەی هێزەکانی باڵای سپای پاسداران بەکاردەهێنرا و لە هێرشەکەدا سێ فەرماندەی سپای پاسداران کوژراون.
دیمەنێك كە بەم دواییە بڵاوکراوەتەوە، نیشان دەدات کە ئۆتۆمبێلەکە زیانێکی زۆری بەرکەوتووە و بە تەواوی تەقیوەتەوە و لە ڕووی پێکهاتەییەوە داڕماوە.
لە چەند مانگی ڕابردوودا، دەسەڵاتی ئاخوندی چەندین جار ئۆتۆمبێلی ڕزگاركەر، ئەمبولانس و ئۆتۆمبێلی تایبەتی بۆ خۆ دەربازكردن و گواستنەوەی هێزەكانی بەکارهێناوە. تاکتیکێک کە ئێستا پێدەچێت لەلایەن سیستەمی هەواڵگریی سپای ئیسرائیلەوە دەستنیشانکرابێت و پووچەڵ بكرێتەوە.
