سازمانی خه‌باتی کوردستانی ئێران
دوابەدوای هێرشە وردەکانی سپای ئیسرائیل، دەرگای سەرەکیی زیندانی ئێڤین لە باکووری تاران کرایە ئامانج.
دیمەنەکان ئەو ساتەیان گرتووە کە دەرگای سەرەکیی زیندانەکە، تەقیوەتەوە و ئاگری گرتووە.
بە پشتبەستن بە وێنە و زانیارییەکان، بە فڕۆکەی بێفڕۆکەوان و مووشەکی وردبینی سپای ئیسرائیل پاسەوانی سەرەکی و دادگای ناو زیندانی ئەڤین هێرشی کراوە سەر.
توندی تەقینەوەکە ئەوەندە زۆر بوو کە پاسەوانەکە ئاگری گرت و پەنجەرەکانی دەوروبەری بە تەواوی داڕما.
هەروەها بینای دادگای ئاسایشی تایبەتی ڕژیم لەناو کۆمپلێکسەکەدا زیانێکی زۆری بەرکەوتووە و بەشێکی وێران بووە.
بەپێی ئەو وێنانەی بڵاو کراونەتەوە بە ڕوونی ئەو ساتە نیشان دەدەرێت کە ئامانجەکە کەوتووە و ناوچەکە دەستی بە سووتان کردووە.
