سازمانی خه‌باتی کوردستانی ئێران
دوابەدوای پێشێلکردنی ئاشکرای ئاگربەست لەلایەن رژیمی ئاخوندی و تەقاندنی مووشەک بۆ سەر ئیسرائیل، وەزیری بەرگریی ئیسرائیل بە هەماهەنگی لەگەڵ سەرۆک وەزیرانی ئەو وڵاتە، فەرمانی هێرشی بەرفراوان و قورسی لەدژی ئامانجە حکوومەتییەکان لە دڵی تاران دا.
لە بەیاننامەیەکی فەرمیی وەزارەتی بەرگری ئیسرائیلدا هاتووە کە دەسەڵاتی ئاخوندی ئێران ئاگربەستی جیددی پێشێل کردووە کە بە نێوەندگیریی سەرۆک کۆماری ئەمریکا دامەزرا و مووشەکی بۆ ئیسرائیل هاویشتوە. بە پشت بەستن بە سیاسەتی فەرمیی حکوومەت، بە هێزێکی تەواوەوە وەڵامی هەر پێشێلکارییەکی ئاگربەست دەدەینەوە".
هێرشە ئاسمانییەکانی ئیسرائیل کە لە چەند سەعاتی ڕابردوودا بۆ سەر دامەزراوە سەربازییەکان، کۆگاکانی چەک و ناوەندەکانی فەرماندەیی ڕژیم لە تاران و کەرەج ئەنجام دراون کە بە پێی سەرچاوە ئەمنییەکان، بە "گەورەترین ئۆپەراسیۆنی ئاسمانیی ئیسرائیل لەسەر پێگەکانی رژیم لە خاکی ئێران" لە سەرەتای دەستپێکی شەڕەکەوە دادەنرێت.
