سازمانی خه‌باتی کوردستانی ئێران
فەرەنسا ڕایگەیاند کە سیستمی بەرگریی ئاسمانییان، ڕێگریی لەو فڕۆکە بێفڕۆکەوانە کردووە کە لە لایان رژیمی ئێرانەوە بۆ اسرائیل هاوێژراون.
لەماوەی 12 ڕۆژی جەنگ، بەهۆی بۆردوومانەکانی رژیمی ئاخوندی بۆ سەر ئیسرائیل، بەشێک لە وڵاتان بە شێوەی ناڕاستەوخۆ هاوکاری ئیسرائیلیان کرد، یەکێک لەو وڵاتانە فەرەنسا بوو کە ڕێگری لە فڕۆکەی بێفڕۆکەوانی رژیمی ئێران کردبوو بۆ سەر ئیسرائیل.
باڵیۆزخانەی فەڕەنسا لە تەلئەبیب لە ڕاگەیێندراوێکدا ئاماژەی بەوەداوە، سیستەمی بەرگریی ئاسمانیی فەرەنسا، ڕێگریی لەو فڕۆکە بێفڕۆکەوانە کردووە کە لە لایان رژیمی ئێرانەوە بو ئسرائیل هاوێژراون ، بەڵام ھێزەکانمان بەشدارییان لەو ھێرشانە نەکردووە کە لەلایەن ئیسرائیلەوە کراونەتە سەر رژیمی ئێران.
