سازمانی خه‌باتی کوردستانی ئێران
بەهۆی هێرشەکانی رووسیا بۆ سەر شاری ئۆدیسای ئۆکراین، لانیکەم پێنج کەس بریندار بوون. ئێستا ئۆکراینییەکان لە ترسی هێرشەکانی رووسیا دەچنە پەناگەکان، بەڵام ئەوەش ناتوانێت بەتەواوی بیانپارێزێت. ئانا شمیلسکا، هاووڵاتییەکی ئۆکراینییە و دەڵێت، "کاتێک لە ماڵەوەیت و گوێت لە دەنگی زەنگی ئاگادارکردنەوە دەبێت، دەچیت سەیری مۆبایلەکەت بکەیت، ژمارەیەکی زۆر ئاگادارکردنەوەی لەسەرە کە دەڵێن، بۆردوومان و مووشەک هەیە. چی دەکەیت؟ دەبێت بچیتە پەناگە، بەڵام هیچ رێگریەک بۆ کاریگەرییە دەرونییەکانی ئەو بۆردوومان و هێرشانە نییە". بە گوێرەی بەرپرسانی کیێڤ، تەنیا حەوتوی رابردوود رووسیا بە 114 مووشەک، هەزار و 270 درۆن و زیاتر لە هەزار و 100 تۆپ هێرشیکردووەتە سەر وڵاتەکەیان.
