سازمانی خه‌باتی کوردستانی ئێران
بەپێی ڕاپۆرتێکی تەلەفزیۆنی کەناڵی ١٢ی ئیسرائیل، فڕۆکەیەکی جەنگی ئێف ١٥ کە لە کاتی هێرشەکانی مانگی ڕابردوو بۆ سەر ڕژیمی ئێران بەسەر تاراندا دەسوڕایەوە، تووشی لەکارکەوتنێکی جددی سیستەمی سووتەمەنی بووە کە دەکرا ببێتە هۆی نیشتنەوەی بەپەلە لەسەر خاکی ئێران. فڕۆکە جەنگییەکە لە کاتی جێبەجێ کردنی ئەرکی پێسپێردراو، وە لە کاتی ئەرکێکی نەهێنی لە ئاسمانی تاراندا، لە یەکێک لە تانکی سووتەمەنیەکانیدا تووشی تێکچوونی کارکردن بوو، ئەمەش بووە هۆی تێکچوونی سیستەمی گواستنەوەی سووتەمەنی و ئاستی سووتەمەنی فڕۆکە جەنگییەکە بە شێوەیەکی زۆر کەمبووەتەوە. بەگوێرەی ڕاپۆرتەکە، دوای ئاگادارکردنەوەی لەلایەن فڕۆکەوانی فڕۆکە جەنگییەکانەوە، فەرماندەیی هێزی ئاسمانی ئیسرائیل بەپێچەوانەی پلانی سەرەتاییەوە، بەپەلە فڕۆکەیەکی سووتەمەنی پڕکەرەوەی ڕەوانەی ناوچەی ئۆپەراسیۆنەکان کرد کە بڕیاربوو بۆ ئەرکەکە بۆ ناوچەی ئۆپەراسیۆنەکان ئەنجام بدرێت. فڕۆکە تانکەرەکە توانی لە کاتی خۆیدا بگاتە ئەو فڕۆکە جەنگییە و بە پڕکردنەوەی سووتەمەنی لە ئاسماندا، ڕێڕەوی ئەرکەکەی گەڕاندەوە و نیشتنەوەی بەپەلەی لەسەر خاکی ئێران ڕەتکردەوە. بە پێی ئەو ڕاپۆرتە و بە پشت بەستن بە شرۆڤەکارانی ئیسرائیل، نیشتنەوەی بەپەلەی ئەو شەڕکەرە لە ئێران دەکرا لێکەوتەی سیاسی و سەربازیی ئاڵۆزی بۆ تەلئەبیب هەبێت.
