سازمانی خه‌باتی کوردستانی ئێران
ڕۆژنامەی ئورشەلیم پۆستی ئیسرائیل لە ڕاپۆرتێکدا بڵاوی کردووەتەوە کە هێزەکانی سپای ئیسرائیل بۆ گرتنی ژمارەیەک لە ئەندامانی لقی قودسی سپای ترۆریستی پاسداران، بە مەودای ١٠ کیلۆمەتر چوونەتە نیو قووڵاییی خاکی سوریەوە. ئەم ڕۆژنامەیە لە زاری فەرماندەیەکی سپای ئیسرائیلەوە ڕایگەیاندووە کە لەم ئۆپەراسیۆنەدا بەبێ تەقاندنی هیچ فیشەکێک، ئەندامانی لقی قودسی سپای ترۆریستی پاسداران کە ئامادەکارییان بۆ هێرشکردنەسەر هێزەکانی ئیسرائیل لەو ناوچەیەدا کردووە، گیراوان. بەپێی ئەم ڕاپۆرتە، هێزەکانی ئیسرائیل بە بێدەنگی لە ڕووباری ڕەقادەوە دەچنە نێو گوندێک لە خاکی سووریە و پاشان لە چەند گرووپدا هێرش دەکەنە سەر چەند خانوو کە ئەندامانی سپای تێدا جێگیر کراون و دواتریش بەبێ ئەوەی کە هیچ تێکهەڵچوونێک لە گوندەکەدا ڕوو بدات گیراوان دەبەنە نێو خاکی ئیسرائیلەوە.
