سازمانی خه‌باتی کوردستانی ئێران
ئەمڕۆ دووشەممە ۲۳ی پوشپەڕ ۱۴۰۴، تەقینەوەیەکی گەورە لە کۆمەڵگەیەکی نیشتەجێبوون لە ناوچەی پەردیسانی قۆم ڕوویدا، کە بووە هۆی ترس و دڵەڕاوکێ لای دانیشتوان و زیانێکی زۆر بە چەند یەکەیەک.
بە وتەی باقری، بەرپرسی بەشی فریاکەوتنی قوم، تا ئێستا ۵ ئۆتۆمبێلی فریاکەوتن ڕەوانەی شوێنی ڕووداوەکە کراون و ۷ کەسیش بریندار بوون.
بەڕێوەبەری جێبەجێکاری ئیدارەی ئاگرکوژێنەوەی قوم لە لێدوانە سەرەتاییەکانیدا وتوویەتی کە لێکۆڵینەوە سەرەتاییەکان دەریانخستووە کە دزەکردنی گاز هۆی تەقینەوەکە بووە.
دەنگی تەقینەوەکە لە بازنەیەکی فراوان بیستراوە و پەنجەرەی چەند بینایەکی نزیکیش شکاوە.
هەندێک ڕاپۆرت هەروەها ئاماژه بەوه دەکەن که چەند ساتێک دوای تەقینه وه گوماناوییه که ی پاردیسان، تەقینەوەیەکی دیکه له نزیک فڕۆکه خانەی مەشەد بیستراوه.
سەرچاوە ناوخۆییەکان باس لەوە دەکەن کە ستوونی دوکەڵ لە شوێنی ڕووداوەکە دەبینرێت. تا ئێستا هیچ وردەکارییەک لەبارەی سەرچاوە یان سروشتی تەقینەوەکە بڵاونەکراوەتەوە، بەڵام دوو تەقینەوەکە لە دوو شاری گەورەی ئێران لە ماوەی چەند خولەکێکدا لە یەکتر دوورن، شەپۆلێکی قسە و باسی لە سۆشیال میدیای لێکەوتەوە. هەندێک لە بەکارهێنەران هۆی ڕووداوەکانیان بۆ تەقینەوەی زنجیرەیی و لاوازی ژێرخانی و هەروەها هێرشی سایبری یان تێکدان لەم دواییانەدا گەڕاندووەتەوە.
