سازمانی خه‌باتی کوردستانی ئێران
پەرلەمانی تورکیە هێرشەکانی ئیسرائیل بۆ سەر سوریەی مەحکوم کرد و داوا لە کۆمەڵگەی نێودەوڵەتی دەکات بێتە دەنگ. هاوکات پشتیووانی وڵاتەکەی بۆ سوریە ڕاگەیاند و دەڵێت، "لەپاڵ گەلی سوریەداین". لە ڕۆژی یەکشەممەوە 13-7-2025، شەڕ و پێکدادان لە نێوان هێزەکانى سەر بە حکومەتى سوریە و چەکدارانى دەرووز لە پارێزگاى سوەیداى باشوورى ئەو وڵاتە دەستیپێکردووە. جیا لەو پێکدادانە، ئیسرائیلیش دەستێوەردانی لەو شەڕەدا کرد بە بۆردوومانکردنی باڵەخانەی وەزارەتی بەرگریی سوریە. بەگوێرەی میدیاکانی تورکیە ڕۆژی چوارشەممە لە کۆبوونەوەی پەرلەمانی تورکیە هێرشەکانی ئیسرائیل بۆ سەر سوریە هەڵسەنگاندن کران.
