سازمانی خه‌باتی کوردستانی ئێران
لەگەڵ وەستانی خولێکی نوێی دانوستانە ئەتۆمییەکانی نێوان ڕژیمی ئاخوندی ئێران و ئەمریکا، تۆڕی بریکارە چەکدارەکانی ڕژیمی ئاخوندی جارێکی دیکە جموجۆڵی نوێیان لە شوێنە سەرەکییەکانی ڕۆژهەڵاتی ناوەڕاست دەستپێکردووە.بەگوێرەی ڕاپۆرتی سی ئێن ئێن، ئەم هەوڵانە بە ئامانجی بنیاتنانەوەی نفوزی ناوچەیی ڕێژیمی ئێرانە کە لە ماوەی دوو ساڵی ڕابردوودا بەهۆی هەڵمەتی سەربازیی ئیسرائیلەوە زیانێکی زۆری پێگەیشتووە. سێ ڕۆژ دوای ڕاگەیاندنی ئاگربەستی نێوان ڕژیمی ئاخوندی و ئیسرائیل، هێزە دڵسۆزەکانی حکوومەتی غوربەتی یەمەن، دەستیان بەسەر کەشتییەکدا لە دەریای سووردا گرت کە ٧٥٠ تۆن چەکی دروستکراوی ئێرانی هەڵگرتبوو. بەگوێرەی فەرماندەیی ناوەندیی ئەمریکا، کەشتییەکە مووشەک و بزوێنەری فڕۆکەی بێفڕۆکەوان و سیستەمی ڕاداری هەڵگرتبوو کە بڕیار بوو بگەیەنرێتە حوسییەکانی یەمەن.
