سازمانی خه‌باتی کوردستانی ئێران
فڕۆکەیەکی ڕاهێنانی هێزی ئاسمانی بەنگلادیش، لە داکای پایتەختی ئەو وڵاتە، خۆی بە قوتابخانە و زانکۆیەکدا کێشا و بەهۆیەوە 16 قوتابی کوژران. نووسینگەی محەممەد یونس، سەرۆکی حکوومەتی ڕاگوزەری بەنگلادیش ڕایگەیاند: جگەلەوانەی کوژران، 100 قوتابی دیکەش بەهۆی ڕووداوەکەوە بریندارن، 83 بریندار لە نەخۆشخانەکان چارەسەرییان بۆ دەکرێت.بەپێی زانیارییەکان، فڕۆکەیەکی جۆری(ئێف 7 بی جی ئای) ئەمڕۆ بەیانی، لە گۆڕەپانی مایلستۆن سکوڵ ئاند کۆلیج کەوتووەتە خوارەوە، ئاژانسەکانی میدیا وێنەی کاتی ڕووداوەکەیان بڵاوکردووەتەوە کە پیاوانی بەرگریی شارستانی و فریاگوزاری، قوتابییە بریندارەکان و قوربانییەکان دەگوازنەوە.
