سازمانی خه‌باتی کوردستانی ئێران
دوو قوربانیی دیکە لە لیستی تاوانەکانی ڕژیمی ئاخوندی زیاد کران
ڕژیمی ئاخوندی جارێکی دیکە نیشانی دا کە بۆ مانەوەی خۆی جگە لە ئێعدام و شکەنجە و خوێنڕشتن پەنا بۆ هیچی تر نابات. لە نوێترین تاوانەکانی ڕژیمدا، بەرەبەیانی ئەمڕۆ، مێهدی حەسەنی (ناسراو بە "فەردین" کوڕی حسێن) و بێهروز ئیحسانی-ئیسلاملوو (ناسراو بە "بێهزاد" کوڕی جەمشیدعەلی) لە لایەن جەلادەکانی دەزگای قەزاییەوەی ڕژیمی ئاخوندی لە سێدارە دران. ناوبراوان لە لایەن دەزگای گەندەڵی قەزاییەوە، بە تۆمەتی لێکندراوی “موحارەبە، بەغی، گەندەڵی لەسەر زەوی، ئەندامبوون لە ڕێکخراوی موجاهدین، کۆکردنەوەی زانیاریی نهێنی و کۆکردنەوە و هاوکاریکردن دژی ئاسایشی نەتەوەیی” بە ئێعدام مەحکووم کرابوون.
