سازمانی خه‌باتی کوردستانی ئێران
.بە پێی ڕاپۆرتی ڕیکخراوای مافی مروڤ، ڕۆژی دووشەمە ٦ی گەلاوێژ، مەهدی ئەسغەرزادە، بەندکراوی تەمەن ٣٥ ساڵ خەڵکی جوانڕۆ بە مەبەستی جێبەجێکرانی سزای لەسێدارەدان لە بەندیخانەی دیزڵئاوای کرماشان بۆ ژووری تاکەکەسی لە بەندیخانەی قزڵحیسار گواسترایەوە. سزای لەسێدارەدانی ئەم بەندکراوە دوو جار لە لایەن دیوان باڵای ڕژیم ڕاگەیندراوە و لە دادنامەی ناوبراودا باس کراوە کە تەرمەکەی ڕادەستی خانەودەکەی ناکرێتەوە. بە وتەی سەرچاوەیەکی ئاگادار، مەهدی ئەسغەرزادە ساڵی ٢٧١٦ (١٣٩٥) پاش گەڕانەوەی لە سوریە، لە جوانڕۆ گیراواە و دوای تێپەڕینی دوو ساڵ لە ژووری تاکەکەسی لە تاران گواسترایەوە بۆ بەندیخانەی دیزڵئاوای کرماشان و هەشت ساڵی ڕابردووی لەم بەندیخانەدا تێپەڕاندووە.مەهدی ئەسغەرزادە پاییزی ٢٧٢٣ لە لایەن لقی دووی دادگای شۆرشی ڕژیمی ئاخوندی لەکرماشان بە سەرۆکایەتیی دادوەر «شاهرۆخ مورادی» بە تۆمەتی « ڕاپەڕینی چەکدارانە دژی ڕژیمی ئاخوندی ئێران» سزای لەسێدارەدانی بە سەردە سەپێندرا و بە تۆمەتی « ئەندامێتی لە گروپی تێرۆریستی داعش» سزای سێ ساڵ بەندکرانی بەسەردا سەپێندرا و ئەم سزایە لە ڕێکەوتی ٢٥ی سەرماوەزی ٢٧٢٣ بە ناوبراو ڕاگەیەندراوە.
