سازمانی خه‌باتی کوردستانی ئێران
دوای پەرەسەندنی نیگەرانییەکانی واشنتۆن سەبارەت بە قووڵبوونەوەی نفووزی ڕژیمی ئاخوندی لە پێکهاتە سیاسی و سەربازییەکانی عێراقدا، باڵیۆزخانەی ئەمریکا لە بەغدا ڕایگەیاند، بەرپرسی کاروباری باڵیۆزخانەکە، لە دیدارێکدا لەگەڵ جێگری یەکەمی سەرۆکی پەرلەمانی عێراق، هۆشداریی لە دوو ڕەشنووسی یاسای پەیوەست بە هێزەکانی حەشدی شەعبی داوە.بەگوێرەی بەیاننامەی باڵیۆزخانەکە، واشنتۆن پەسەندکردنی ئەم یاسایانە بە هەنگاوێکی مەترسیدار بۆ بەهێزکردنی "گرووپە تیرۆریستییە بە وەکالەتەکانی ڕژیمی ئاخوندی"دەزانێت. گرووپگەلێك کە لە ژێر ناوی حەشدی شەعبی، ساڵانێکە وەک بازووی مەیدانیی سپای ترۆرستی قودس لە عێراق چالاكی دەكەن.ئەمە دوای ئەوە دێت کە پێشتر مارکۆ ڕوبیۆ وەزیری دەرەوەی ئەمەریکا ڕایگەیاندبوو: "ئەو یاسایانەی کە شەرعیەت بۆ هێزەکانی ژێر فەرماندەیی سپای ترۆرستی پاسداران لە عێراق دابین دەکەن، نەک هەر سەروەریی بەغدا تێکدەدەن، بەڵکوو هەڕەشەیەکی جددی لەسەر ئاسایشی ناوچەکە دروست دەكات".
