سازمانی خه‌باتی کوردستانی ئێران
بنیامین ناتانیاهۆ، سەرۆک وەزیرانی ئیسرائیل لە ڕێوڕەسمێکدا لە ئاژانسی هەواڵی نیوزماکس ڕایگەیاند کە گەلانی ئێران “تامەزرۆی ئازادییە” و دەیەوێت لە “نیو سەدە لە دیکتاتۆرییەتی ئاخوندەکان و ترۆر” ڕزگاری بێت. ئاماژەی بەوەشکرد، گەیشتن بەم کارە "بەتەواوی دەکرێت"، بەڵام "ئەوە پەیوەستە بە خودی خەڵکەوە."هەروها پیداگریی لەوە کردەوە کە وڵاتەکەی لە “حەوت بەرەی” دژی ڕژیمی ئاخوندی خەباتی کردووە و “بەرەی هەشتەم” شەڕی حەقیقەت بووە. ناتانیاهۆ ئەم شەڕەی بە “شەڕی شێرەکان” ناوبرد و ڕایگەیاند کە لە بەرەکانی شەڕدا هەم “شێرە پیاو” و هەم “شێرە ژن” هەن. سەرۆک وەزیرانی ئیسرائیل بە ئاماژەدان بە “سەرکەوتنە یەک لە دوای یەکەکان لە دژی حەماس، حیزبوڵڵا، ڕژێمی بەشار ئەسەد لە سوریە، ڕژیمی ئاخوندی و گرووپەکانی دیکە” پیداگریی لەوە کردەوە کە ئەم دەستکەوتانە لە ئەنجامی “یەکیەتی و یەکگرتوویی” بووە.سەبارەت بە گۆڕینی حکومەتی ئێران ڕایگەیاند کە ئەمە دەبێت لەلایەن خەڵکەوە ئەنجام بدرێت و ئامانجی ڕاستەوخۆی شەڕی ئیسرائیل نەبووە، بەڵام “دەتوانێت ئەنجامەکەی بێت.
