سازمانی خه‌باتی کوردستانی ئێران
مەترسیی وشک بوون لەسەر درێژترین ڕووباری ئێران
ڕووباری کارون، درێژترین ڕووباری ئێران بە درێژایی زیاتر لە ٩٥٠ کیلۆمەتر، لە لێواری کارەساتێکی ژینگەیی و مەترسیی وشکبوونیدایە.
کەمبوونەوەی توندی ڕۆیشتنی ئاو، وشکبوونی بەشێک لە کارون و بۆنی گەنیوی ئاوی وەستاو، زەنگی ئاگادارکردنەوەن کە سەرنجی شارەزایان و چالاکوانانی ژینگەی بەلای خۆیدا ڕاکێشاوە.عەلی ئەرواحی، پسپۆڕی بەڕێوەبردنی ژینگە-سیستمی زۆنگاوەکان، ڕۆژی پێنجشەممە ٣٠ی گەلاوێژ لە چاوپێکەوتنێکدا لەگەڵ "خەبەر ئۆنلاین"، گۆڕانکارییەکانی کەشوهەوا و دامەزراندنی پیشەسازییە ئاوخۆرەکان، وەک پۆڵا و پترۆشیمی، بە هۆەکانی توندترکردنی وشکبوونی کارون دانا و وتی کێشەی سەرەکی، "حوکمڕانی نادروست و بەڕێوەبردنی ناکارامەی سەرچاوەکانی ئاوە". لە ئەنجامی ئەمەشدا، دروستکردنی بەنداوەکان و فشاری کشتوکاڵە ئاوخۆرەکان دروست دەبن و قەیرانەکە قووڵتر دەکەنەوە.
