سازمانی خه‌باتی کوردستانی ئێران
دانیمارک ڕێگە دەدات ژیریی دەستکرد لە تاقیکردنەوەکاندا بەکاربهێنرێت
لە ساڵی داهاتووەوە قوتابیانی هەندێک لە قوتابخانە ئامادەییەکانی وڵاتی دانیمارک ڕێگەیان پێدەدرێت کە ژیریی دەستکرد (AI) بۆ ئامادەکاری لە تاقیکردنەوەکانی زمانی ئینگلیزیدا بەکاربهێنن.لە سەرانسەری جیهاندا مشتومڕ لەسەر لێکەوتەکانی بەکارهێنانی ژیریی دەستکرد لە قوتابخانەکاندا هەیە، زیرەکیی دەستکرد بە ئامرازێکی فێربوونی بەسوود ناودەبەن، هەندێکیش بە ڕێگایەکی مەترسیدار بۆ دروستکردنی نەوەیەکی بێتوانا لە ڕووی زانست و فێربوونەوە ناوی دەبەن.وەزارەتی پەروەردەی دانیمارک ڕایگەیاند، ڕێگە دەدەن ژیریی دەستکرد لە پڕۆگرامی خوێندنی ئینگلیزیدا لە ساڵی 2026ـەوە شێوەیەکی تاقیکاری بەکاربهێنرێت، و تەنیا بۆ بەشی زارەکی تاقیکردنەوەی زمانی ئینگلیزی بۆ بڕوانامەی ئامادەیی جێبەجێ دەکرێت.
