سازمانی خه‌باتی کوردستانی ئێران
سپای ئیسرائیل ڕۆژی یەکشەممە ڕایگەیاند کە پێگەکانی حوسییەکانی لە سەنعای پایتەختی یەمەن کردووەتە ئامانج.بەپێی ڕاپۆرتەکان، دانیشتووانی ناوچەکە هەواڵی تەقینەوەی بەهێزیان داوە و وتیان هێرشەکانی ئیسرائیل بنکە مووشەکییەکان، ناوەندەکانی دابینکردنی سووتەمەنی، وێستگەکانی کارەبا و ناوچەکانی دەوروبەری کۆشکی سەرۆکایەتیی یەمەنی کردووەتە ئامانج.کەناڵی ١٢ی ئیسرائیلیش لە زاری سەرچاوەیەکی سەربازییەوە ڕایگەیاندوە کە ئەم ئۆپەراسیۆنە لە وەڵامی بەردەوامیی هێرشە مووشەکی و فڕۆکە بێفڕۆکەوانەکانی حوسییەکان بۆ سەر ئیسرائیل ئەنجام دراوە.چەند ڕۆژ پێش ئێستا، میدیاکانی ئیسرائیل هەواڵیان دابوو کە حوسییەکان لە هێرشەکانی شەوی هەینیدا مووشەکی بالیستییان بە کڵاوەی هێشووییەوە بەکارهێناوە؛ هەنگاوێک کە ئاستی هەڕەشەکانی دژی ئیسرائیلی بەرز کردووەتەوە و بووەتە هۆی توندکردنەوەی وەڵامی سەربازیی ئیسرائیل.
