سازمانی خه‌باتی کوردستانی ئێران
ئاژانسی هەواڵی تەسنیم، کە سەر بە سپای ترۆریستی پاسدارانە، بڵاوی کردەوە کە دانوستانە ئەتۆمییەکانی شاندی ڕژیمی ئاخوندی لەگەڵ نوێنەرانی ئەڵمان، فەرەنسا و بەریتانیا ڕۆژی سێشەممە لە جنێڤ بەڕێوەدەچێت. سەرۆکایەتیی شاندی ڕژیمی ئاخوندی لە ئەستۆی مەجید تەختڕەوانچییە و لەلایەن سێ وڵاتە ئەوروپییەکەوە جێگرانی وەزیرانی دەرەوە ئامادەی کۆبوونەوەکە دەبن.وەزارەتی دەرەوەی ڕژیمی ئاخوندی پێشتر و لە دوای پەیوەندییەکی تەلەفۆنیی عەباس عێراقچی، وەزیری دەرەوە، لەگەڵ هاوتا ئەوروپییەکانیدا، ڕایگەیاندبوو کە گفتوگۆکان سەبارەت بە ئەگەری کاراکردنی "میکانیزمی پەلەپیتکە" (میکانیزمی ماشە) لەم حەوتویەدا بەردەوام دەبن.
