ئەمشەو، فڕۆکە جەنگییەکانی ئیسرائیل، ناوچەی کەسوەیان لە دیمەشقی پایتەختی سوریە بۆردوومان کرد، ئەمەش دووەم جارە ئەو شوێنە لەماوەی 24 سەعاتی ڕابردوودا بۆردوومان بکرێت.بەپێی زانیاریی میدیاکانی سوریە، دوو فڕۆکەی ئیسرائیلی، گردی مانعیان لە ناوچەی کەسوەی دیمەشق بۆردوومان کردووە، هاوکات فڕینی زۆری فڕۆکەی ئیسڕائیلی بەسەر ئاسمانی دیمەشقدا بەردەوامە. ئێوارەی شەوی ڕابردوو، ئیسرائیل شەش هێرشی ئاسمانی کردووەتە سەر بنکە سەربازییەکانی سەربە وەزارەتی بەرگریی سوریە لە چیای مانع کە دەکەوێتە ناوچەی کەسوە لە لادێکانی دیمەشق.