سازمانی خهباتی کوردستانی ئێران
محەممەد پەروازە، هاووڵاتیی کورد و خاوەن پێداویستیی تایبەت و خەڵکی مەریوان کە لە مانگی ڕابردووەوە لە لایەن هێزە ئەمنییەتییەكانی ڕێژیم گیرابوو، بەم دواییانە ماوەی گیرانەکەی بۆ مانگێکی دیکە درێژ کراوەتەوە.بە پێی ڕاپۆرتی سەرچاوەکان، محەممەد پەروازە، تەمەن٣٠ ساڵ، باوکی سێ منداڵ و خەڵکی گوندی «نێ» سەر بە مەریوان، ماوەی ٣٩ ڕۆژی ڕابردووی لە گرتوخانەی ئەو شارە تێپەڕاندووە و دۆخی یاسایی ناوبراو نادیارە. بە وتەی سەرچاوەیەکی ئاگاداری نزیک بە خانەوادەی محەممەد پەروازە، ئەو هاووڵاتییە سەرەڕای ئەوەی کە خاوەن پێداویستیی تایبەتە، سەرپەرستیاری دایک و خوشکەکەی خۆیشی لە ئەستۆدایە. ئەو هاووڵاتییە لە ماوەی یەک مانگ و حەوت ڕۆژی ڕابردووەوە لە سەرەتاییترین مافی خۆی وەک دەستپێڕاگەیشتن بە پارێزەر و هەروەها چاوپێکەوتن بێبەش بووە.محەممەد پەروازە ڕۆژی چوارشەممە ١ی گەلاوێژ، لە گوندی نیشتەجێی بوونی خۆی گیراوە.
