سازمانی خهباتی کوردستانی ئێران
ڤیدیۆیەکی بڵاوکراوە نیشان دەدات هاوڵاتییەک بە شێوەیەکی خەمناک لەسەر پردی ڕیساڵەت هەوڵی کۆتاییهێنان بە ژیانی خۆی داوە. ئەو دیمەنە، وێنەیەکی ڕوونە لە قووڵایی ئەو کارەساتەی کە ڕژیمی ئاخوندی بۆ گەلانی ئێرانی دروست کردووە: فشاری قورس و ئەستەمی دەستکەوتی بژێوی، بێکاری، هەژاری و نادادپەروەری کۆمەڵایەتی، چەندین هۆکارن بۆ ئەوەی کەسەکان دەست بە خۆکوژی بدەن.
بەپێی هەڵسەنگاندنی کۆمەڵگەی مەدەنی، ئەمڕۆ چیتر "خۆکوشتن" تەنها کارەساتێکی تاکەکەسی نییە؛ ئەو خۆکوشتنە کۆمەڵایەتیانە ئەنجامی ڕاستەوخۆی سیاسەتە گەندەڵ و ناسەرکەوتووەکانی حکومەتێکە کە خەڵکی لە سەرەتاییترین هیوای ژیان بێبەش کردووە.
