سازمانی خهباتی کوردستانی ئێران
ئیسرائیل بەرەو گۆڕانکاری لە سیستەمی بەرگریدا دەچێت بە، بەکارهێنانی سیستەمی لێزەری دژی مووشەکەکانی ڕژیمی ئاخوندی.
مایکل ئیدلشتاین، جێگری باڵای کۆمپانیای "ئەلبیت سیستەمز" و ئەفسەری پێشووی سپای ئیسرائیل، ڕایگەیاند کە لە کەمتر لە پێنج ساڵی داهاتوودا ئیسرائیل دەتوانێت سیستەمی لێزەری بۆ بەرگریکردن لە مووشەکەکانی ڕژیمی ئێران بەکاربهێنێت. بەپێی ڕاپۆرتی واینێت، ئەو تەکنەلۆژیە کە سەرەتا بۆ فڕۆکە جەنگییەکان دیزاین کراوە، دەتوانێت مووشەکی بالیستی و هەڕەشەکانی دیکە بە تێچوویەکی زۆر کەمتر لە سیستەمەکانی ئێستا وەک "گۆنبەدی ئاهەنین" و "تیر" لەناوبەرێت. ئیدلشتاین پیداگریی کردەوە کە ئەم سیستەمە دەتوانێت هاوسەنگیی ئەمنیی ئیسرائیل بەرامبەر هێرشە مووشەکییە فراوانەکان لەلایەن ڕژیمی ئێران و گرووپە چەکدارەکانی ناوچەکە بە شێوەیەکی بەرچاو بگۆڕێت. شیکەرەوەکان پێیان وایە ئەم تەکنەلۆژیە چارەسەرێکی جێگیرتر بۆ بەرگریکردن لە هەڕەشە زیادبووەکانی ناوچەکە دابین دەکات.
