سازمانی خهباتی کوردستانی ئێران
بەھزاد ئەکبەری، بەڕێوەبەری کۆمپانیای پەیوەندییەکانی ژێرخان، ڕایگەیاند کە نزیکەی ٨٠%ی بەکارھێنەران VPN بەکاردەھێنن و ٧٠%ی ترافیکی وڵات لەسەر پلاتفۆرمی VPN ئاڵوگۆڕ دەکرێت. بەوتەی ئەکبەری، "ئەم بابەتە ئەندازیاریی ترافیکی تۆڕی تێکداوە و بووەتە ھۆی تێکچوونی کوالێتی خزمەتگوزارییەکان، ئاسایشی سایبەری و تەنانەت دابەشکردنی ھاوسەنگی باری تۆڕ."بەڕێوەبەری کۆمپانیای پەیوەندییەکانی ژێرخان، ھەروەھا وتی: "لە دۆخی ئاساییدا، ترافیک بەپێی شوێنی بەکارھێنەرەکە بۆ نزیکترین ناوەندی ناوەڕۆک ئاڕاستە دەکرێت، بەڵام بە بەکارھێنانی VPN ترافیک زیاتر لە باکووری وڵاتەوە بەرەو ئەوروپا دەڕوات، کە لاوازیی تۆڕ زیاد دەکات." لەم نێوەندەدا، مەسعوود پزیشکیان سەرۆک کۆماری حکومەتی ئێران کە لە کاتی ھەڵبژاردنەکاندا بەڵێنی لابردنی فیلترینگی دابوو، دوای دەستنیشانکردنی، بەرپرسانی حکومەتەکەی داوایان لە خەڵک کردووە "دان بەخۆیاندا بگرن." ئەمەش نیشانەی ڕوونی ئەوەیە کە بەڵێنەکانی شانۆی ھەڵبژاردن تەنیا بۆ فریوی خەڵک بوون و ھیچ ئیڕادەیەکی ڕاستەقینە بۆ چارەسەرکردنی کێشەی فیلترینگ لە ئارادا نییە.، لەکاتێکدا بەرپرسان تەنیا قسە پووچەکانیان دووبارە دەکەنەوە."
