سازمانی خهباتی کوردستانی ئێران
کەناڵی ١٢ی ئیسرائیل بۆ یەکەمجار وێنەی هێڵی بەرهەمهێنانی مووشەکەکانی "پەیڤەند"ی بڵاوکردەوە کە لە پیشەسازی فڕۆکەوانی و بۆشایی ئاسمانی ئەو وڵاتە دروستدەکرێن. ئەو سیستەمە لە دوو ساڵی ڕابردوودا ڕۆڵی سەرەکی بینیوە لە وەرگرتنەوەی ئەو مووشەکانەی لە ئێران، لوبنان و یەمەنەوە هەڵدراون. بەرپرسانی ئیسرائیل دەڵێن بەبێ ئەو سیستەمە، قەبارەی جەنگەکە زۆر مەترسیدارتر دەبوو. ئەو تۆڕە ڕایگەیاند "پەیڤەند" بە خێرایی حەوت ماخ بەرەو بۆشایی ئاسمان بەرز دەبێتەوە و توانای وەرگرتنەوەی مووشەکەکانی لە دەرەوەی بەرگەهەوا، لە بەرزی زیاتر لە ١٠٠ کیلۆمەتردا هەیە. ئەو سیستەمە بە تێکەڵەیەک لە هەستەوەری ورد، بەشە ئەلیکترۆنییە پێشکەوتووەکان و کۆمپیوتەری فڕین، مووشەکەکە بە وردی سانتیمەترێک دەگەیەنێتە ئامانج؛ ئەوەی بەرپرسانی پڕۆژەکە بە "دەرزی بەرامبەر دەرزی" ناوی دەبەن. ڕێژەی سەرکەوتنی ئەو سیستەمە نزیکەی ٨٦% ڕاگەیەندراوە. لەگەڵ ئەوەشدا، شارەزایان دەڵێن هەر هەڵەیەک دەتوانێت زیانی گەورە بگەینێت.
