سازمانی خهباتی کوردستانی ئێران
تۆمی پیگۆت، جێگری سەرەکیی وتەبێژی وەزارەتی دەرەوەی ئەمەریکا لە ڕاگەیەندراوێکدا ئاماژەی داوە، مارکۆ ڕوبیۆ، وەزیری دەرەوە بەشداری 80هەمین کۆبوونەوەی گشتیی نەتەوە یەکگرتووەکان دەکات.بەگوێرەی ڕاگەیەندراوەکە، مارکۆ ڕوبیۆ لە 22 تا 25ی سپتامبر لەگەڵ دۆناڵد ترەمپ، سەرۆکی ئەمەریکا بۆ برەودان بە ئەولەویەتەکانی ئەمەریکا کە بریتین لە ئاشتی، سەروەری و ئازادی لە 80هەمین خولی کۆبوونەوەی گشتیی نەتەوە یەکگرتووەکاندا بەشداری کۆبوونەوەکە لە شاری نیویۆرک دەکات.لە ڕاگەیەندراوەکەدا هاتووە، وەزیری دەرەوەی ئەمەریکا لە پەراوێزی کۆبوونەوەکە، لەگەڵ هاوتا سەرەکییەکانیدا کۆدەبێتەوە بۆ گفتوگۆ لەسەر بەرژەوەندییە ئەمنییە هاوبەشەکان، هێنانی ئاشتی بۆ ململانێکان، و هاوکاریی دوو لایەنەکان دەکات.
