سازمانی خهباتی کوردستانی ئێران
ئاژانسی هەواڵی ئەسۆشێتد پرێس، بە پشتبەستن بە وێنەی ماهوارە نوێیەکان، ڕایگەیاند کە ڕژیمی ئێران خەریکی نۆژەنکردنەوەی ناوەندەکانی بەرهەمهێنانی مووشەکی خۆیەتی لە پەڕچين و شاهرود؛ ئەم ناوەندانە لە کاتی شەڕی ١٢ ڕۆژە لەگەڵ ئیسرائیل کرابوونە ئامانج. بەپیی ئەو ڕاپۆرتە دەڵێت بینا تایبەتەکانی تێکەڵکردنی سووتەمەنی ڕەقی مووشەکەکان لە نۆژەنکردنەوەدان، بەڵام ڕژێمی ئێران هێشتا دەستی بە بەشە سەرەکییەکان، لەوانە میکسرە گەورەکانی پێویست بۆ بەرهەمهێنانی ئەو سووتەمەنییە، ناگات. لە کاتێکدا کە دامەزراوە ئەتۆمییە بۆمبارانکراوەکانی ڕژیمی ئاخوندی هێشتا چالاکییەکی هاوشێوەیان دەست پێنەکردووەتەوە، خێرایی نۆژەنکردنەوەی دامەزراوە مووشەکییەکان نیشاندەری ئەولەویەتی بەرزی ئەو پڕۆژەیە بۆ ڕژیم. ئەسۆشێتد پرێس هەروەها ئاماژەی بەوەشداوە کە ڕژێمی ئێران پێدەچێت داوای یارمەتی لە چین بکات بۆ دابینکردنی کەرەستە و نیشانەیەک هەیە کە میکسرێکی خولاوە گواستراوەتەوە بۆ دامەزراوە ژێرزەمینییەکانی دروستکردنی مووشەک لە ماسیەفی سوریە؛ ئەمەش بابەتێکە کە پاش هێرشەکەی ئیسرائیل لە ٢٠٢٤ ئاشکرا بوو.
