سازمانی خهباتی کوردستانی ئێران
ڕافایل گرۆسی، بەڕێوەبەری گشتیی ئاژانسی نێودەوڵەتیی وزەی ئەتۆمی دەڵێت کە "نزیکەی تەواوی هەموو ئامێرە هەستیارەکان" لە سایتی ئەتۆمیی فۆردۆ لەناوچوون ناوبراو لەگەڵ ئەمەدا، پیداگریی لەوە کردەوە کە ڕژیمی ئاخوندی ئێران هێشتا توانای دروستکردنی ئەو سەنتەرفیوژانەی هەیە کە بۆ پیتاندنی یۆرانیۆم پێویستن. گرۆسی، کە لەگەڵ ئاژانسی هەواڵیی ڕۆیتەرز لە پەراوێزی کۆبوونەوەی سەرکردەکانی جیهان لە کۆبوونەوەی ساڵانەی نەتەوە یەکگرتووەکان گفتوگۆی كرد، وردەکاریی زیاتری نەخستەڕوو، بەڵام ئەمە یەکەم لێدوانی ناوبراو سەبارەت بە دۆخی سایتی ئەتۆمیی فۆردۆ لە دوای سەردانی پشکنەرانی ئاژانسی نێودەوڵەتیی وزەی ئەتۆمی بۆ ئێران بووە.
