سازمانی خهباتی کوردستانی ئێران
لەگەڵ کۆتایی هاتنی وادەی دانوستان بۆ گەیشتن بە ڕێککەوتنی ئەتۆمی، میکانیزمی ماشە بۆ گەڕانەوەی سزاکانی نەتەوە یەکگرتووەکان بۆ سەر ڕژیمی ئاخوندی ئێران بە فەرمی چالاک کرا. فەرەنسا، ئەڵمان و بەریتانیا بە پشتبەستن بە بڕگەكانی بەرجام، ڕەوەندی چالاككردنی ئەو میكانیزمەیان چالاك كردبوو. ئێستا بە جێبەجێ كردنی ئەوە، ڕێژەیەکی بەرفراوان لە کەرتی ئابووری، سەربازی و دارایی ڕژیمی ئاخوندی ئێران کەوتۆتە ژێر گەمارۆكانەوە.
بە پێی ئەم گەمارۆیانە:
-هەرچەشنە هەناردەکردن و هاوردەکردنی چەک، لە چەکی سووکەوە تا سیستەمی مووشەکی و تەکنەلۆژی پەیوەندیدار، قەدەغە دەکرێت.
- چالاکییە مووشەکییەکانی ڕژیمی ئاخوندی لەوان لێکۆڵینەوە، پەرەپێدان، بەرهەمهێنان و تاقیکردنەوەی مووشەکی بالیستیکی بە تەواوی قەدەغە دەکرێت.
- سەروەت و سامانی دامودەزگا سەرەکییەکانی ڕژیمی ئێرام لە دەرەوەی وڵات دەبەسترێت و هەر جۆرە گواستنەوەی دارایی یان وەبەرهێنانێکی دەرەکی سنووردار دەکرێت.
- هەناردەکردنی نەوت و گاز و بەرهەمە پترۆشیمی جارێکی دیکە دەکرێنە ئامانج بۆ سزاکان، وەبەرهێنانی دەرەکیش لە کەرتی وزە قەدەغە دەکرێت.
- دەیان کەس و قەوارەی حکومەتی ئێران لە نێویاندا بەرپرسانی سپای ترۆریستی پاسداران، وەزارەتی بەرگری ڕژیمی ئاخوندی و ڕێکخراوی وزەی ئەتۆمی ڕژیم، دووبارە خرانەوە لیستی گەمارۆکانی نەتەوە یەکگرتووەکان.
