سازمانی خهباتی کوردستانی ئێران
کوژرانی دوو سووتەمەنیبەر، بەهۆی تەقەی هێزە حکومییەکانەوە
دوینی دووشەممە ٧ی ڕەزبەری 1404 لە کەهنوج، هێزە حکومییەکانی سەر بەڕژیمی ئاخوندی تەقەیان لە ئۆتۆمبێلێکی سووتەمەنیبەر کرد، کە ئەم تەقەکردنە بووە هۆی وەرگەڕان و تەقینەوەی ئۆتۆمبێلەکە. بەهۆی ئەم ڕووداوەوە، دوو سووتەمەنیبەر، یەکێکیان مێرمنداڵێکی تەمەن ١٧ ساڵ، کوژرا.ناسنامەی قوربانیانی ئەم ڕووداوە، بنیامین ناروویی ١٧ ساڵە، کوڕی حەبیب، و عەبدولباسیت ناروویی ٢٧ ساڵە، کوڕی ئەسەدوڵڵا، هەردووکیان خەڵکی قەڵاگەنج بوون و نیشتەجێی ئەوێ بوون، لەلایەن "حال وش"ەوە ئەم هەوڵە تەکیت کراوتەوە.بەپێی ڕاپۆرتەکان، تەقەکردن لە تایەی ئۆتۆمبێلەکە، بووە هۆی لادان و وەرگەڕانی بۆ قەراغی ڕێگا. دوای وەرگەڕانەکە، ئۆتۆمبێلەکە ئاگری گرت و هەردوو سووتەمەنیبەرەکە لەناو ئاگردا سووتان و کوژران. شایەتحاڵانی ڕووداوەکە ڕایانگەیاندووە کە هێزە حکومییەکان دوای گڕگرتنی ئۆتۆمبێلەکە، هیچ هەوڵێکیان بۆ ڕزگارکردنی گیانی سووتەمەنیبەرەکان نەداوە و تەنها سەیریان کردووە.
