سازمانی خهباتی کوردستانی ئێران
گیرانی پێنج هاووڵاتیی کورد بە تۆمەتی هاوکاری لەگەڵ ئیسرائیل
پێنج هاووڵاتیی کوردی خەڵکی سنە بە ناوەکانی درەخشان ڕەحیمی و دوو برای ناوبراو بەناوەکانی یاسین ڕەحیمی و ڕزگار ڕەحیمی، عەدنان مەولایی و هاووڵاتییەکی دیکە کە ناسنامەی دیار نییە، لە ڕەوتی شەڕی دوازدە ڕۆژەی نێوان ئیسرائیل و ڕژیمی ئێران لە لایەن ئیتلاعاتی سپای ترۆریستی پاسدارانەوە گیراوان و لە دۆسیەیەکی هاوبەشدا بە «هاوکاری لەگەڵ ئیسرائیل» و «پەیوەندی لەگەڵ یەکیک لەحیزبەکانی کوردستانی ئێران» تۆمەتبار کراون و ئێستا لە بەندیخانەی ناوەندیی سنە ڕاگیراون. بە پێی ڕاپۆرتی سەرچاوەکان، عەدنان مەولایی، درەخشان ڕەحیمی و دوو برای ناوبراو، یاسین و ڕزگار ڕەحیمی و هاووڵاتییەکی دیکە کە لە دووکانی شیرینی فرۆشیی ئەو خانەودایە ئیشی دەکرد، دوای سێ مانگ گیران لە ئیتلاعاتی سپا بۆ بەندیخانەی ناوەندیی سنە گواسترانەوە. ئەو هاووڵاتییانە لە ماوەی گیرانیان لە گرتوخانەی ئیتلاعاتی سپا تا ئێستا لە سەرەکیترین مافەکانی خۆیان وەکوو مافی پەیوەندی لەگەڵ خانەوادە و دەستڕاگەیشتن بە پارێزەر بێبەش بوون.
