سازمانی خهباتی کوردستانی ئێران
نرخی دۆلاری ئەمریکی بەرامبەر بە تمەن ئەمڕۆ دووشەممە 1800 تمەن واتا بەڕێژەی 1.56٪ دابەزی. یەک دۆلار بە 113 هەزار و 400 تمەن مامەڵەی پێوەکرا. بەرزترین نرخی دۆلاری ئەمریکی لە 24 سەعاتی رابردوودا 115 هەزار و 400 تمەن بووە و نزمترین نرخیش 113 هەزار و 400 تمەن بووە. نرخی ئێستای دۆلاری ئەمریکی بەراورد بە حەوتویی رابردوو، 1.16٪ بەرزبوونەوەی تۆمار کردووە. بەهای دۆلار بەرامبەر بە تمەن لە شەش مانگی رابردوودا نزیکەی 13.17٪ بەرزبووەتەوە.لە دوو رۆژی رابردوودا، بازاڕی دراوی ئێران شەپۆلێکی خستنەڕووی بەرچاوی دۆلار و دراوی دیکەی بیانی لەلایەن بانکی ناوەندی و هەناردەکارانی ئێرانییەوە، بەخۆیەوە بینیوە. ئەم سیاسەتە لە کورتخایەندا بووەتە هۆکار بۆ رێگریکردن لە بەرزبوونەوەی نرخی دۆلار، بەڵام شارەزایانی ئابووری پێیانوایە فشاری فرۆش ناتوانێت بۆ ماوەیەکی زۆر نرخی دۆلار لە ئاستی نزمدا بهێڵێتەوە.
