سازمانی خهباتی کوردستانی ئێران
ژمارەی قوربانیانیی قوتابخانەکەی ئیندۆنیزیا گەیشتە 54 کەس
یودهی برامانتیۆ بەڕێوەبەری ئاژانسی نیشتمانیی فریاگوزاریی ئێندۆنیزیا لە کۆنگرەیەکی ڕۆژنامەوانیدا ڕایگەیاند، "تا بەرەبەیانی ئەمڕۆ دووشەممە، 6ی ئۆکتۆبەری 2025، تیمەکانیان توانیویانە 54 تەرم دەربهێنن و هیوادارین بتوانین ئەمڕۆ پرۆسەی گەڕان کۆتایی پێبهێنین و تەرمەکان ڕادەستی خێزانەکانیان بکەینەوە".هەروەها جێگرەکەی برامانتیۆ وتی، ڕووخانی قوتابخانەکە گەورەترین کارەساتە ئەمساڵە لە ئیندۆنیزیا تۆمارکراوە و لایەنیکەم تاوەکوو ئێستا 13 قوربانی چارەنووسیان نادیارە. بە گوێرەی ڕاپۆرتەکان تا ئێستا لێکۆڵەوەکان لەسەر هۆی ڕووخانی باڵەخانەی قوتابخانە بەردەوامە، بەڵام گومانی شارەزایان لەسەر ڕەچاونەکردنی ستانداردەکانی بیناسازییە.
