سازمانی خهباتی کوردستانی ئێران
ساڵی ڕابردوو سێ هەزار منداڵ بوونەتە قوربانی ڕووداوی هاتوچۆ
کوژرانی هەزاران منداڵ ساڵانە لەسەر شەقامەکانی ئێران، داهاتووی دانیشتووانی وڵات دەخاتە مەترسییەوە. سەرۆکی پۆلیسی هاتووچۆی حکومتی ئیران ڕایگەیاندووە کە ساڵی ڕابردوو نزیکەی ٢٠ هەزار کەس لە ڕووداوەکانی هاتووچۆدا کوژراون، کە نزیکەی سێ هەزار کەسیان منداڵ بوون.ئەمە لە کاتێکدایە کە ڕژیمی ئاخوندی، بەپێی بۆچوونی ئاخوند خامنەیی ڕیبەری ڕژیمی ئاخوندی، سیاسەتەکانی گەنجکردنەوەی دانیشتووان و هاندانی منداڵبوون پەیڕەو دەکات، بەڵام پاراستنی ژیانی منداڵانی ئێستا پشتگوێ خراوە.ڕووداوە کوشندەکانی هاتووچۆ، ئەنجامی زنجیرەیەک کەمتەرخەمییە؛ لە ئۆتۆمبێلی ناتەندروستەوە تاوەکوو شەقامە ناتەواوەکان، نەبوونی ڕاهێنانی پێویست و لاوازی لە فریاگوزاریدا. دەیان دامەزراوە بەرپرسیارن، بەڵام نەبوونی هەماهەنگی و جێبەجێکردنی ناتەواوی پلانەکان، قوربانییەکانی زیاتر کردووە.
