سازمانی خهباتی کوردستانی ئێران
ڕافایل گرۆسی: چالاکیی نوێ لە بنکە ئەتۆمییەکانی ڕژیمی ئێران بەدی دەکرێت
بەڕێوەبەری گشتیی ئاژانسی نێودەوڵەتیی وزەی ئەتۆم ڕاگەیاند، سەرەڕای ئەوەی وا دەرناکەوێت حکومتی ئێران بە شێوەیەکی چالاکانە یۆرانیۆم بپیتێنێت، بەڵام بەم دواییانە جووڵەی نوێی لە بنکە ئەتۆمییەکانی ئەو وڵاتەدا بەدی کردووە.، ڕافایل گرۆسی، بەڕێوەبەری گشتیی ئاژانسی نێودەوڵەتیی وزەی ئەتۆم، بە ئاژانسی ئەسۆشیەیتد پرێسی ڕاگەیاند، سەرەڕای ئەوەی کە ناتوانن بە تەواوی دەستیان بە بنکە ئەتۆمییەکانی حکومتی ئێران بگات، بەڵام پشکنەران لە ڕێگەی مانگی دەستکردەوە هیچ چالاکییەکیان نەبینیوە کە ئاماژە بە خێراکردنی پیتاندنی یۆرانیۆم لەلایەن حکومتی ئێرانەوە بەراورد بە جەنگی 12 ڕۆژەی لەگەڵ ئیسرائیلەوە کرابێت.گرۆسی وتیشی: هێشتا حکومتی ئێران ڕێژەی 60% پیتێنراوی ماوە. دەشڵێت: ئەمە یەکێکە لەو پرسانەی کە گفتوگۆی لەبارەوە دەکەین؛ هاوکات دەبێت چاودێرەکانمان بگەڕێنەوە نێو دامەزراوە ئەتۆمییەکان، بۆ ئەوەی دڵنیابینەوە ئەو ماددەیە بۆ هیچ مەبەستی دیکە بەکار نەهاتووە
