سازمانی خهباتی کوردستانی ئێران
میدیای فەرمی یۆنان ڕایگەیاند، لە ئەنجامی رووداوێکی تەقەکردندا لە گوندێکی دوورگەی کریت، لانی کەم دوو کەس کوژران و ژمارەیەکی دیکەش برینداربوون. پۆلیس گومانی ئەوە دەکات، رووداوەکە رەگ و ریشەی لە کێشەیەکی خێزانیی درێژخایەندا هەبێت.ئاژانسی هەواڵی فەرمیی یۆنان (ANA)، بڵاویکردەوە، رووداوەکە لە گوندی ڤۆریزیا لە نێوەڕاستی دوورگەکە روویداوە، کە دەکەوێتە نزیکەی 52 کیلۆمەتر لە باشووری رۆژئاوای هێراکلیۆ. بەپێی زانیارییەکانی ئاژانسەکە، چەکدارێک تەقەی لە چەند ماڵێکی گوندەکە کردووە، لە ئەنجامدا لانی کەم دوو کەس کوژراون، یەکێکیان ژنێکی تەمەن 50 ساڵ بووە. سەرچاوەکە هەروەها ئاماژەی بە برینداربوونی لانی کەم 10 کەسی دیکە کردووە، کە بۆ وەرگرتنی چارەسەر رەوانەی نەخۆشخانەکان کراون.
