سازمانی خهباتی کوردستانی ئێران
ئاماری مانگانەی لەسێدارەدان لە ئێران گەیشتە بەرزترین ئاستی لە ماوەی دوو دەیەی ڕابردوودا
ڕێکخراوەکانی مافی مرۆڤی ئێران و کوردستانی ئێران ڕایانگەیاند، لە ماوەی مانگی ڕابردوودا لانیکەم ٢٤١ زیندانی لە زیندانەکانی ڕژیمی ئاخوندی لەسێدارە دراون، ئەمەش بە بەراورد بە هەمان ماوەی ساڵی ڕابردوو، ڕێژەکەی نزیکەی پەنجا لەسەد زیادی کردووە. ڕێکخراوەکانی مافی مرۆڤ لە ڕاپۆرتەکەیدا نووسیویانە، لە مانگی ئۆکتۆبری ساڵی ڕابردوودا ١٦١ زیندانی لەسێدارە دراون و ئاماری ئەمساڵ بە لانیکەم ٨٠ حاڵەت یان ٤٩.٥% زیادیکردووە. هەروەها ئەو ئامارە بەرزترین ئاماری لەسێدارەدانەکانە لە ماوەی یەک مانگداو لە دوو دەیەی ڕابردوودا لە ئێران. هەروها ڕاشیانگەیاند، لە کۆی ٢٤١ زیندانییەکەی کە لە زیندانەکانی ڕژیمی ئێران لەسێدارە دراون، توانیویەتی ناسنامەی تەواوی ٢٣٥ زیندانی بسەلمێنێت و ناسنامەی ٦ زیندانی دیکەش لە ژێر لێکۆڵینەوەدایە.
